ცოდნა სინათლეა - Knowledge is light - Знание свет -
| პირადი მონაცემები | |||
|---|---|---|---|
| დაბადების თარიღი | 31 ოქტომბერი, 2000 | ||
| დაბადების ადგილი | ლიონი, საფრანგეთი | ||
| სიმაღლე | 175 სმ | ||
| სათამაშო პოზიცია | თავდამსხმელი | ||
| საკლუბო ინფორმაცია | |||
| მიმდინარე კლუბი | ლიონი | ||
| ნომერი | 69 | ||
| ახალგაზრდული კარიერა | |||
| 2007–2008 | ჟერლანი | ||
| 2008–2015 | ლიონი | ||
| 2015–2016 | სენ-პრი | ||
| 2016–2018 | მეცი | ||
| პროფესიონალური კარიერა* | |||
| წლები | გუნდი | მატჩი | (გოლი) |
| 2018–2020 | მეცი II | 24 | (9) |
| 2019–2023 | მეცი | 42 | (25) |
| 2020–2022 | → სერენი | 49 | (28) |
| 2023– | აიაქსი | 6 | (0) |
| 2024 | → მეცი | 20 | (13) |
| 2024– | ლიონი | 26 | (7) |
| ეროვნული ნაკრები‡ | |||
| 2021– | საქართველო | 37 | (20) |
ჯილდოები  | |||
| * პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება ბოლოს განახლდა: 16 მარტი, 2025 ‡ ეროვნული ნაკრების მატჩი და გოლი ბოლოს განახლდა: 23 მარტი, 2025 | |||
გიორგი მიქაუტაძე (დ. 31 ოქტომბერი, 2000, ლიონი, საფრანგეთი) — ქართველი ფეხბურთელი. საქართველოს ეროვნული ნაკრებისა და ლიონის „ოლიმპიკის“ თავდამსხმელი. 2024 წლის ევროპის ჩემპიონატის მონაწილე საქართველოს ეროვნული ნაკრების შემადგენლობაში.
საკლუბო კა
რიერამეცი
მიქაუტაძის დებიუტი „მეცში“ შედგა 2019 წლის 7 დეკემბერს ლიგა 1-ის მატჩში, „ნიცას“ წინააღმდეგ. „მეცმა“ შეხვედრა ანგარიშით 1-4 წააგო. 2019 წლის 10 დეკემბერს „მეცმა“ მას ოთხწლიანი კონტრაქტი გაუფორმა. მიქაუტაძისთვის ეს პირველი პროფესიონალური კონტრაქტი იყო.
სერენი
2020 წელს იჯარით ის ბელგიის პირველი B ლიგის (მეორე ლიგა) გუნდ „სერენში“ გადავიდა, სადაც 8 მატჩში 14 გოლი გაიტანა და მალევე გუნდის ლიდერად იქცა. ჩატარებული რვა შეხვედრიდან მიქაუტაძემ 6 მატჩში მოახერხა გატანა. მიქაუტაძემ „ლომელს“ 4 გოლი გაუტანა, 3-3 გაუტანა „ლიერსსა“ და „ბრიუგე II-ს“, 2 გაუტანა „მოლენბეკს“, ხოლო თითო გოლი „დეინცესა“ და „უნიონს“. მან გოლის გატანა ვერ მოახერხა „ვესტერლოსთან“ და „ლომელთან“ მატჩებში.
ლიონი
2024 წლის 18 ივლისს, მიუხედავად იმისა, რომ „მეცმა“ მანამდე მიაღწია შეთანხმებას „მონაკოსთან“, მიქაუტაძემ უარი თქვა მონაკოში გადასვლაზე და ხელი მოაწერა თავის ყოფილ კლუბ „ლიონთან“ ოთხწლიან კონტრაქტზე, 18.5 მილიონ ევროდ, 4.5 მილიონი ევრო პოტენციური ბონუსებით და 15%-იანი გაყიდვის პუნქტით.
ფრანგულმა გამოცემამ Get French Football News-მა ზაფხულში საფრანგეთის ლიგა 1-ში განხორციელებული ხუთი ტრანსფერი, და მათ შორის გიორგი მიქაუტაძის ტრანსფერიც გამოარჩია. „მიქაუტაძისთვის ბრძოლაში „ლიონმა“ გაიმარჯვა. ლიგა 1-ის სეზონის ბრწყინვალე დასასრულისა და ევრო 2024-ზე შესანიშნავი თამაშის შემდეგ ქართველი თავდამსხმელის შეძენით რამდენიმე კლუბი დაინტერესდა. 23 წლის ფეხბურთელი „მონაკოს“ რჩეული იყო, მაგრამ საბოლოოდ მან ბავშვობის კლუბში დაბრუნება გადაწყვიტა. 18.5 მილიონი ევრო საერთაშორისო ტურნირზე მაღალ დონეზე გამოსვლის შემდეგ ამომავალი ვარსკვლავისთვის შედარებით დაბალი ფასია. გარდა ტრანსფერის მაცდური ფინანსური პირობებისა, „ლიონმა“ შეიძინა მტაცებლის ინსტინქტით დაჯილდოებული თავდამსხმელი, რომლის მსგავსიც თანამედროვე ფეხბურთში ძნელად მოსაძებნია. ლიგა 1-ის გასულ სეზონში „მეცის“ შემადგენლობაში 20 მატჩში მიქაუტაძემ 13 გოლი გაიტანა 58 დარტყმიდან. ის არაპროგნოზირებადი და მცველებისთვის მოუხელთებელია. შეუძლია ზურგს უკან გახსნა და საჯარიმოში უპირატესობის შექმნა. ფორვარდი „ლიონს“ შეტევაში დრიბლინგის შესანიშნავი უნარითაც დაეხმარება“, — აღნიშნა ფრანგულმა გამოცემამ.
პირველად ფრანგული კლუბის მაისურით იმავე წლის 18 აგვისტოს, საფრანგეთის ლიგა 1-ის პირველი ტურის შეხვედრაში გამოვიდა მინდორზე. მატჩი, რომელშიც ერთმანეთს „ლიონი“ და „რენი“ დაუპირისპირდნენ, რენის „როაზონ პარკის“ სტადიონზე გაიმართა და მასპინძელთა გამარჯვებით 3–0 დამთავრდა. „ლიონში“ დაბრუნებულ გიორგი მიქაუტაძეს სადებიუტო შეხვედრაში თავის გამოჩენა შეეძლო, ძალიან აქტიური იყო, კარში რამდენჯერმე დაარტყა, შეტევები გაამწვავა, მასთან უხეშობისთვის „რენის“ მცველმა ყვითელი ბარათიც მიიღო. 72-ე წუთზე კი ქართველს გატანის რეალური შანსი მიეცა, მაგრამ პენალტი ვერ გამოიყენა — „რენის“ მეკარემ, სტივ მანდანდამ დარტყმის მიმართულება გამოიცნო და ბურთი მოიგერია. საქართველოს ნაკრების თავდამსხმელი და ევრო 2024-ის თანაბომბარდირი თავისი გუნდის ძირითად შემადგენლობაში იყო და შეუცვლელად ითამაშა.
პირველი გოლი ლიონელთა რიგებში 27 ოქტომბერს, საფრანგეთის ლიგა 1-ის მე-9 ტურის შეხვედრაში გაიტანა. მატჩი, რომელშიც ერთმანეთს „ლიონი“ და „ოსერი“ დაუპირისპირდნენ, ლიონის „გრუპამას“ სტადიონზე, იმავე „გრან სტად დე ლიონზე“ გაიმართა და ფრედ 2–2 დამთავრდა. მასპინძელთა შემადგენლობაში ორივე ბურთი მიქაუტაძემ შეაგდო.
2024 წლის 26 სექტემბერს, გიორგი მიქაუტაძემ „ლიონში“ ევროპა ლიგის ახალი სეზონი პირეოსის „ოლიმპიაკოსთან“ მატჩით დაიწყო და ბერძნული გუნდი 2–0 დაამარცხა. საქართველოს ნაკრების თავდამსხმელი „ლიონის“ მწვრთნელმა მოედანზე 74-ე წუთზე შეიყვანა.
2024 წლის 28 ნოემბერს, გიორგი მიქაუტაძემ უეფა-ს ევროპა ლიგაზე თავისი პირველი გოლები გაიტანა და „ლიონს“ აზერბაიჯანში „ყარაბაღთან“ გამარჯვებაში დაეხმარა. ევროპა ლიგის ძირითადი ეტაპის მე-5 ტურის შეხვედრაში ფრანგული კლუბი „ყარაბაღს“ ბაქოში, „ტოფიკ ბახრამოვ არენაზე“ ესტუმრა და დიდი ანგარიშით (4–1) დაამარცხა. საქართველოს ნაკრების თავდამსხმელი „ლიონის“ ძირითად შემადგენლობაში იყო და დუბლი შეასრულა. გიორგიმ ანგარიში მე-15 წუთზე გახსნა, ხოლო მე-80 წუთზე აზერბაიჯანული კლუბის კარში მეოთხე გოლის ავტორი გახდა. 8.3 შეფასებით ქართველი ფეხბურთელი მატჩის საუკეთესო მოთამაშედ აღიარეს.
2025 წლის 14 მარტს, გიორგი მიქაუტაძე ევროპა ლიგის პლეი-ოფში „ლიონისა“ და ბუქარესტის „სტიაუას“ შეხვედრის საუკეთესო მოთამაშედ დასახელდა. ფრანგებმა შეხვედრა 4–0 მოიგეს, მიქაუტაძემ კი ოთხივე გოლში მიიღო მონაწილეობა — ქართველმა თავდამსხმელმა ორი გოლი გაიტანა და ორი საგოლე გადაცემა შეასრულა.
სანაკრებო კარიერა
მისი დებიუტი საქართველოს ეროვნულ ნაკრებში, 2021 წლის 25 მარტს, 2022 წლის მსოფლიო ჩემპიონატის შესარჩევი ეტაპის შეხვედრაში, შვედეთის ეროვნული ნაკრების წინააღმდეგ შედგა. მიქაუტაძე თამაშში შეცვლაზე შემოვიდა. საქართველოს ნაკრები ანგარიშით 0–1 დამარცხდა.
პირველი გოლი ნაკრების მაისურით 2021 წლის 2 ივნისს, რუმინეთთან ანგარიშით 2–1 მოგებულ შეხვედრაში გაიტანა. გიორგი მიქაუტაძეს ეკუთვნის საქართველოს ნაკრების პირველი გოლი ევროპის საფეხბურთო ჩემპიონატზე, რომელიც მან თურქეთის ეროვნული ნაკრების წინააღმდეგ გაიტანა 2024 წლის 18 ივნისს. ჯგუფურ ეტაპზე სამ თამაშში სამი გოლი გაიტანა და ამ ეტაპის საუკეთესო ბომბარდირი გახდა.
გიორგი მიქაუტაძემ შემოდგომის სანაკრებო ციკლი ჩეხეთთან გოლით დაიწყო და საქართველოს ნაკრებს დამაჯერებელ გამარჯვებაში დაეხმარა — „დღეს მთელმა გუნდმა კარგად ითამაშა და 4–1 მოვიგეთ. ბევრი გოლი გავიტანეთ და სამი ქულა მოვიპოვეთ. გამიხარდა, თამაშამდე ევრო 2024-ის თანაბომბარდირის ჯილდო რომ მივიღე და მთელი ცხოვრება ჩემთან იქნება. ახლა წინსვლა უნდა გავაგრძელოთ და სხვა ეტაპზე გადავიდეთ“, — ასეთი კომენტარი გააკეთა ქართველმა თავდამსხმელმა შეხვედრაზე და ევრო 2024-ის თანაბომბარდირისთვის განკუთვნილ ჯილდოზე, რომელიც თამაშამდე საქართველოს ფეხბურთის ფედერაციის ვიცე-პრეზიდენტმა, ალექსანდრე იაშვილმა გადასცა.
საკლუბო სტატისტიკა
- განახლდა: 13 მარტი, 2025
| კლუბი | სეზონი | ლიგა | თასი | კონტინენტური | სხვა | ჯამში | ||||||
|---|---|---|---|---|---|---|---|---|---|---|---|---|
| დივიზიონი | მატჩი | გოლი | მატჩი | გოლი | მატჩი | გოლი | მატჩი | გოლი | მატჩი | გოლი | ||
| მეცი B | 2018–19 | ნასიონალი 3 | 6 | 1 | — | — | — | 6 | 1 | |||
| 2018–19 | რეგიონალი 1 | — | — | — | ||||||||
| 2019–20 | ნასიონალი 3 | 17 | 8 | — | — | — | 17 | 8 | ||||
| სულ | 23 | 9 | — | — | — | 23 | 9 | |||||
| მეცი | 2019–20 | ლიგა 1 | 1 | 0 | — | — | 0 | 0 | 1 | 0 | ||
| 2020–21 | ლიგა 1 | 1 | 0 | — | — | — | 1 | 0 | ||||
| 2022–23 | ლიგა 2 | 37 | 23 | 3 | 1 | — | — | 40 | 24 | |||
| სულ | 39 | 23 | 3 | 1 | — | 0 | 0 | 41 | 24 | |||
| → სერენი | 2020–21 | ბელგიის I დივ. B | 21 | 19 | 1 | 0 | — | 2[ა] | 3 | 24 | 22 | |
| 2021–22 | ბელგიის პრო ლიგა | 28 | 9 | 3 | 4 | — | 2[ბ] | 1 | 33 | 14 | ||
| სულ | 49 | 28 | 4 | 4 | — | 4 | 4 | 57 | 36 | |||
| აიაქსი | 2023–24 | ერედივიზია | 6 | 0 | 1 | 0 | 2[გ] | 0 | — | 9 | 0 | |
| → მეცი | 2023–24 | ლიგა 1 | 20 | 13 | 0 | 0 | — | 2[დ | 1 | 22 | 14 | |
| ლიონი | 2024–25 | ლიგა 1 | 25 | 6 | 2 | 2 | 9[ე] | 4 | — | 36 | 12 | |
| სულ ჯამში | 162 | 79 | 10 | 7 | 11 | 4 | 6 | 5 | 189 | 95 | ||
- ↑ ბელგიის პირველი დივიზიონი B-ს პლეი-ოფის მატჩები
- ↑ ბელგიის პრო ლიგის პლეი-ოფის მატჩები
- ↑ უეფა-ს ევროპა ლიგის მატჩები
- ↑ ლიგა 1-ის პლეი-ოფის მატჩები
- ↑ უეფა-ს ევროპა ლიგის მატჩები
სანაკრებო სტატისტიკა
- განახლდა: 23 მარტი, 2025
| ეროვნული ნაკრები | წელი | მატჩი | გოლი |
|---|---|---|---|
საქართველო | 2021 | 7 | 1 |
| 2022 | 6 | 1 | |
| 2023 | 9 | 7 | |
| 2024 | 13 | 7 | |
| 2025 | 2 | 4 | |
| ჯამში | 37 | 20 | |
სანაკრებო მატჩები და გოლები
| № | თარიღი | შეხვედრის ადგილი | მასპინძელი | ანგ. | სტუმარი | შეჯიბრება | გოლები | შენიშვნა | წყარო |
|---|---|---|---|---|---|---|---|---|---|
| 1 | 25.03.2021 | სოლნა | შვედეთი  | 1–0 | საქართველო | მსოფ. შეს. |  84' | [22] | |
| 2 | 02.06.2021 | პლოიეშტი | რუმინეთი  | 1–2 | საქართველო | ამხანაგური |  61' |  81' | [23] |
| 3 | 06.06.2021 | ენსხედე | ნიდერლანდები  | 3–0 | საქართველო | ამხანაგური | 65' | [24] | |
| 4 | 02.09.2021 | თბილისი | საქართველო | 0–1 |  კოსოვო | მსოფ. შეს. | 60' | [25] | |
| 5 | 05.09.2021 | ბადახოსი | ესპანეთი  | 4–0 | საქართველო | მსოფ. შეს. | 57' | [26] | |
| 6 | 08.09.2021 | სოფია | ბულგარეთი  | 4–1 | საქართველო | ამხანაგური | [27] | ||
| 7 | 09.10.2021 | ბათუმი | საქართველო | 0–2 |  საბერძნეთი | მსოფ. შეს. | 60' | [28] | |
| 8 | 02.06.2022 | თბილისი | საქართველო | 4–0 |  გიბრალტარი | ერთა ლიგა | 87' | [29][30] | |
| 9 | 05.06.2022 | რაზგრადი | ბულგარეთი | 2–5 | საქართველო | ერთა ლიგა | 67' | [31][32] | |
| 10 | 09.06.2022 | სკოპიე | ჩრდ. მაკედონია  | 0–3 | საქართველო | ერთა ლიგა | 71' | [33][34] | |
| 11 | 12.06.2022 | თბილისი | საქართველო | 0–0 | ბულგარეთი | ერთა ლიგა | 80' | [35] | |
| 12 | 23.09.2022 | თბილისი | საქართველო | 2–0 | ჩრდ. მაკედონია | ერთა ლიგა | 78' | [36] | |
| 13 | 26.09.2022 | გიბრალტარი | გიბრალტარი | 1–2 | საქართველო | ერთა ლიგა | 60' | [37] | |
| 14 | 28.03.2023 | ბათუმი | საქართველო | 1–1 |  ნორვეგია | ევრ. შეს. | 60' | 90' | [38] |
| 15 | 17.06.2023 | ლარნაკა | კვიპროსი  | 1–2 | საქართველო | ევრ. შეს. | 31' | 88' | [39] |
| 16 | 20.06.2023 | გლაზგო | შოტლანდია  | 2–0 | საქართველო | ევრ. შეს. | [40] | ||
| 17 | 08.09.2023 | თბილისი | საქართველო | 1–7 | ესპანეთი | ევრ. შეს. | [41] | ||
| 18 | 12.09.2023 | ოსლო | ნორვეგია | 2–1 | საქართველო | ევრ. შეს. | 67' | [42] | |
| 19 | 12.10.2023 | თბილისი | საქართველო | 8–0 |  ტაილანდი | ამხანაგური | 24', 37', 41', 56' (პენ) | 58' | [43] |
| 20 | 15.10.2023 | თბილისი | საქართველო | 4–0 | კვიპროსი | ევრ. შეს. | 90'+5' (პენ) | 58' | [44] |
| 21 | 16.11.2023 | თბილისი | საქართველო | 2–2 | შოტლანდია | ევრ. შეს. | 69' | [45] | |
| 22 | 19.11.2023 | ვალიადოლიდი | ესპანეთი | 3–1 | საქართველო | ევრ. შეს. | 60' | [46] | |
| 23 | 21.03.2024 | თბილისი | საქართველო | 2–0 |  ლუქსემბურგი | ევრ. შეს. | 77' | [47] | |
| 24 | 26.03.2024 | თბილისი | საქართველო | 0–0 | საბერძნეთი | ევრ. შეს. | 74'[ა] | [48] | |
| 25 | 09.06.2024 | პოდგორიცა | მონტენეგრო  | 1–3 | საქართველო | ამხანაგური | 33' | 80' | [49] |
| 26 | 18.06.2024 | დორტმუნდი | თურქეთი  | 3–1 | საქართველო | ევრო 2024 | 32' | [50][51] | |
| 27 | 22.06.2024 | ჰამბურგი | საქართველო | 1–1 |  ჩეხეთი | ევრო 2024 | 45'+4' (პენ) | 88' | [52] |
| 28 | 26.06.2024 | გელზენკირხენი | საქართველო | 2–0 |  პორტუგალია | ევრო 2024 | 57' (პენ) | [53] | |
| 29 | 30.06.2024 | კელნი | ესპანეთი | 4–1 | საქართველო | ევრო 2024 | 78' | [54] | |
| 30 | 07.09.2024 | თბილისი | საქართველო | 4–1 | ჩეხეთი | ერთა ლიგა | 63' | 75' | [55] |
| 31 | 10.09.2024 | ტირანა | ალბანეთი  | 0–1 | საქართველო | ერთა ლიგა | 86' | [56] | |
| 32 | 11.10.2024 | პოზნანი | უკრაინა  | 1–0 | საქართველო | ერთა ლიგა | [57] | ||
| 33 | 14.10.2024 | თბილისი | საქართველო | 0–1 | ალბანეთი | ერთა ლიგა | [58] | ||
| 34 | 16.11.2024 | ბათუმი | საქართველო | 1–1 | უკრაინა | ერთა ლიგა | 76' | 67' | [59] |
| 35 | 19.11.2024 | ოლომოუცი | ჩეხეთი | 2–1 | საქართველო | ერთა ლიგა | 60' | 79' | [60] |
| 36 | 20.03.2025 | ერევანი | სომხეთი  | 0–3 | საქართველო | ერთა ლიგა | 37', 59' | 66' | [61] |
| 37 | 23.03.2025 | თბილისი | საქართველო | 6–1 | სომხეთი | ერთა ლიგა | 14', 35' | 77' | [62] |
- ↑ საქართველოს ნაკრებმა საბერძნეთი პლეი-ოფის ფინალში პენალტების სერიაში 4–2 დაამარცხა და დამოუკიდებელი საქართველოს ისტორიაში პირველად ევროპის ჩემპიონატზე თამაშის უფლება მოიპოვა.
მიღწევები
ინდივიდუალური
- ბელგიის მეორე დივიზიონის საუკეთესო ბომბარდირი: 2020–21 (19 გოლი)
- საფრანგეთის ლიგა 2-ის წლის საუკეთესო მოთამაშე: 2022–23
- საფრანგეთის ლიგა 2-ის წლის გუნდის გუნდის წევრი: 2022–23
- საქართველოს 2022–23 წლების სეზონის მეორე საუკეთესო ფეხბურთელი: „სარბიელის“ ვერსიით
- ევროპის ჩემპიონატის საუკეთესო ბომბარდირი: 2024
ჯილდოები
- ღირსების ორდენი: 2024
ფაქტები
2024 წლის 28 ოქტომბერს, გიორგი მიქაუტაძე და ზურიკო დავითაშვილი საფრანგეთის ლიგა 1-ის მეცხრე ტურის სიმბოლურ გუნდში დაასახელეს. რჩეული თერთმეტეული ანალიტიკურმა პორტალმა Sofascore-მა შეარჩია.
2024 წლის 28 ნოემბერს, გიორგი მიქაუტაძემ ბაქოში „ყარაბაღთან“ გამართულ შეხვედრაში დუბლი შეასრულა. მე-15 წუთზე ანგარიში გახსნა, ხოლო მე-80 წუთზე მეორე გოლი გაიტანა და „ლიონის“ გამარჯვებაში (4–1) ერთ-ერთი მთავარი როლი ითამაშა. ცნობილმა საერთაშორისო პორტალმა whoscored-მა ქართველ ფეხბურთელის თამაში 9.2 ქულით შეაფასა და მატჩის საუკეთესო მოთამაშედ დაასახელა, ხოლო შემდეგ ევროპა ლიგის მეხუთე ტურის სიმბოლურ ნაკრებშიც შეიყვანა.
2025 წლის 20 მარტს უეფა-ს ერთა ლიგის B ლიგის საპლეიოფო დაპირისპირებაში, საქართველოს ეროვნული ნაკრები სომხეთს ესტუმრა და მეტოქე ანგარიშით 3–0 დაამარცხა. გიორგი მიქაუტაძემ შეხვედრაში დუბლი შეასრულა, საქართველოს ნაკრების მაისურით თავისი მე-18 გოლი გაიტანა და ამ მაჩვენებლით ხვიჩა კვარაცხელიას და თემურ ქეცბაიას გადაასწრო.
იხ.ვიდეო - გიორგი მიქაუტაძის ქართული ქვიზი!
Комментариев нет:
Отправить комментарий