ცოდნა სინათლეა - Knowledge is light - Знание свет -
| აშშ-ს სენატორი ოჰაიოდან | |
|---|---|
| ამჟამინდელი თანამდებობა | |
| დაიკავა | 3 იანვარი, 2023 |
| წინამორბედი | რობ პორტმენი |
| დაბადებული | 2 აგვისტო, 1984 მიდლთაუნი, ოჰაიო, აშშ |
| პოლიტიკური პარტია | რესპუბლიკური პარტია |
| მეუღლე | უშა ჩილუკური (2014) |
| შვილები | 3 |
| განათლება |
|
| საქმიანობა |
|
| ხელმოწერა |  |
ჯეიმზ დევიდ „ჯ.დ.“ ვენსი (დაბადებით ჯეიმზ დონალდ ბოუმენი; დ. 2 აგვისტო, 1984) — ამერიკელი პოლიტიკოსი, ავტორი და საზღვაო ქვეითთა ვეტერანი, რომელიც როგორც შეერთებული შტატების უმცროსი სენატორი ოჰაიოდან 2023 წლიდან მსახურობს. რესპუბლიკური პარტიის წევრი, 2024 წლის შეერთებული შტატების საპრეზიდენტო არჩევნებში დონალდ ტრამპის მიერ წარდგენილია ვიცე-პრეზიდენტობის კანდიდატად.
მიდლთაუნის საშუალო სკოლის დამთავრების შემდეგ, ვანსი შეუერთდა აშშ-ს საზღვაო ქვეითთა კორპუსს, სადაც როგორც საბრძოლო კორესპონდენტი 2003 წლიდან 2007 წლამდე მსახურობდა, ექვსი თვე კი ერაყში . შემდეგ ჩაირიცხა ოჰაიოს სახელმწიფო უნივერსიტეტში, რომელიც 2009 წელს დაამთავრა, 2013-ში კი იელის სამართლის სკოლა, სადაც იყო The Yale Law Journal- ის რედაქტორი. 2016 წელს ვანსმა გამოაქვეყნა თავისი მემუარები Hillbilly Elegy, რომელმაც პრესის დიდი ყურადღება მიიპყრო იმავე წლის არჩევნების დროს და 2020 წელს მხატვრულ ფილმად გადაიღეს.
ვანსმა მოიგო 2022 წლის შეერთებული შტატების სენატის არჩევნები ოჰაიოში, დაამარცხა დემოკრატიული კანდიდატი ტიმ რაიანი. თავდაპირველად 2016 წლის არჩევნებში დონალდ ტრამპის კანდიდატურას ეწინააღმდეგებოდა, თუმცა პრეზიდენტობის დროს მისი აქტიური მხარდამჭერი გახდა. 2024 წლის ივლისში ტრამპმა რესპუბლიკელთა ეროვნული კონვენციის წინაშე ვანსი თავის თანამოადგილედ წარადგინა. ის პირველი საზღვაო ვეტერანია, რომელიც ვიცე-პრეზიდენტად დასახელდა.
ვანსს ეროვნულ კონსერვატორად და მემარჯვენე პოპულისტად თვლიან, თუმცა საკუთარ თავს პოსტლიბერალურ მემარჯვენედ მიიჩნევს. მის პოლიტიკურ პოზიციებში შედის აბორტის, ერთსქესიანთა ქორწინების და იარაღის კონტროლის მიმართ წინააღმდეგობა. ვანსი არის უშვილობის კრიტიკოსი, მას სოციოპათიასთან აკავშირებს და მომხრეა, რომ მშობლებს მეტი ხმის მიცემის უფლება უნდა ჰქონდეთ, ვიდრე არამშობლებს. იგი უკრაინისადმი ამერიკული სამხედრო დახმარების გაგრძელებას ეწინააღმდეგება. ვანსმა გამოთქვა იდეა, რომ კონსერვატორებმა სახელმწიფო ძალა გამოიყენონ, რათა გადაახარისხონ ინსტიტუტებში მყოფი პერსონალები და ჩაანაცვლონ ისინი თანამოაზრეებით რათა "მათ კულტურულ ომში მხარე აირჩიონ".
ადრეული ცხოვრება და განათლება
ჯეიმზ დონალდ ბოუმენი 1984 წლის 2 აგვისტოს, მიდლთაუნში, ოჰაიოში, ბევერლი კეროლის (ძვ. ვანსი; დაბადებული 1961) და დონალდ რეი ბოუმანის (1959–2023) ოჯახში დაიბადა. იგი შოტლანდიურ-ირლანდიური წარმოშობისაა. მისი მშობლები განქორწინდნენ, როდესაც ჯეიმზი პატარა იყო. ბოუმენი დედის მესამე ქმარმა, ბობ ჰამელმა იშვილა, დედამ კი შვილს სახელი ჯეიმზ დევიდ ჰამელდზე შეუცვალა, რადგან მამის სახელი ამოეღო, თუმცა მისი ერთ-ერთი ძმის სახელი გამოიყენა, JD-ის მეტსახელის შესანარჩუნებლად.
ვანსის ნაწერებში ვგებულობთ, რომ მისი ბავშვობა მოიცავდა სიღარიბეს და ძალადობას, დედამისი კი ნარკოდამოკიდებულებას ებრძოდა. ვანსს და მის დას ლინდსის ძირითადად დედის მხრიდან ბებია-ბაბუა ზრდიდნენ, ჯეიმზ (1929–1997) და ბონი ვანსი (დ. ბლანტონი; 1933–2005), რომლებსაც ისინი „პაპაუს“ და „მამაუს“ ეძახდნენ. მისი ორივე ბებია-ბაბუა კენტუკის აპალაჩიიდან ოჰაიოში გადავიდნენ.
2003 წელს მიდლთაუნის საშუალო სკოლის დამთავრების შემდეგ, ვანსი აშშ-ს საზღვაო ქვეითთა კორპუსში ჩაირიცხა. 2005 წლის ბოლოს ექვსი თვის განმავლობაში მსახურობდა ერაყში საბრძოლო კორესპონდენტად და სადაც ჯამში 4 წელი მსახურობდა. ის იყო მე-2 საზღვაო საავიაციო ფრთის საზოგადოებრივ საქმეთა განყოფილების ნაწილი და თქვა, რომ მისმა სამსახურმა „ზრდასრული ადამიანივით ცხოვრება“ ასწავლა და რომ მას „გაუმართლა, რომ თავი დააღწია ნებისმიერ ნამდვილ ბრძოლას“. მისი დეკორაციები საზღვაო ქვეითთა კორპუსის კარგი ქცევის მედლებს და საზღვაო და საზღვაო ქვეითთა კორპუსის მიღწევების მედლებს მოიცავდა.
GI Bill-ის გამოყენებით, ვანსი 2007 წლის სექტემბრიდან 2009 წლის აგვისტომდე ოჰაიოს შტატის უნივერსიტეტში სწავლობდა, მან ხელოვნების ბაკალავრის ხარისხი მოიპოვა პოლიტოლოგიასა და ფილოსოფიაში. ბაკალავრიატის სწავლა ორ წელზე ნაკლებ დროში დაასრულა. to August 2009, კოლეჯში სწავლის პირველი წლის განმავლობაში იგი რესპუბლიკელ სახელმწიფო სენატორ ბობ შულერთან მუშაობდა.
ოჰაიოს უნივერსიტეტის დამთავრების შემდეგ, ვანსი 2010 წლის შემოდგომიდან იელის იურიდიულ სკოლას ესწრებოდა, პირველ წელს თითქმის სრული სტიპენდიით. იელში სწავლისას იგი ჯამილ ჯივანს, კანადის პარლამენტის მომავალ კონსერვატორ წევრს დაუახლოვდა. პირველ წელს, პროფესორმა ემი ჩუამ, 2011 წლის წიგნის Battle Hymn of the Tiger Mother-ის ავტორმა, დაარწმუნა იგი მემუარის, Hillbilly Elegy-ის წერა დაეწყო.
ვანსი უნივერსიტეტის The Yale Law Journal-ის რედაქტორი იყო, 2013 წელს მან სწავლა იურისტის დოქტორის ხარისხით დაამთავრა. 2010 და 2011 წლებში წერდა დევიდ ფრამის "FrumForum" ვებსაიტზე JD Hamel-ის სახელით. მიუხედავად იმისა, რომ Hillbilly Elegy გულისხმობს, რომ ვანსმა ბებია-ბაბუის გვარი ვანსი 2014 წელს ქორწინებისთანავე მიიღო, სახელის შეცვლა ფაქტობრივად 2013 წლის აპრილში მოხდა, იელში სწავლის დამთავრებამდე მცირეხნით ადრე.
Ადრეული კარიერა
იურიდიული სკოლის დამთავრების შემდეგ ვანსი მუშაობდა რესპუბლიკელ სენატორ ჯონ კორნინთან. მან ერთი წელი გაატარა კენტუკის აღმოსავლეთ ოლქის აშშ-ს საოლქო სასამართლოს მოსამართლე დევიდ ბუნინგის იურისტად, შემდეგ იურიდიულ ფირმაში, Sidley Austin-ში მუშაობდა, რითაც დაიწყო მოკლე კარიერა კორპორატიულ იურისტად. პრაქტიკოს იურისტად ორ წელზე ოდნავ ნაკლები ხნით მუშაობის შემდეგ, ვანსი სან-ფრანცისკოში გადავიდა, რათა ტექნოლოგიურ ინდუსტრიაში ემუშავა, როგორც ვენჩურულ კაპიტალისტს. სწავლისას დაუმეგობრდა ჯამილ ჯივანის, კანადის პარლამენტის მომავალ კონსერვატიულ პარლამენტარს. პირველივე წელს, პროფესორმა ემი ჩუასმა, ავტორმა 2011 წლის წიგნისა Battle Hymn of the Tiger Mother, დაარწმუნა ვანსი, რომ მემუარი დაეწერა, Hillbilly Elegy. 2016-დან 2017 წლამდე ის პიტერ ტიელის ფირმაში, Mithril Capital-ში მსახურობდა.
მწერლობა
_(a).jpg?uselang=ka)
2016 წლის ივნისში ჰარპერმა ვანსის წიგნი, Hillbilly Elegy: A Memoir of a Family and Culture in Crisis გამოაქვეყნა. წიგნი 2016 და 2017 წლებში იყო The New York Times-ის საუკეთესო გაყიდვების სიაში.The New York Times-მა მას უწოდა "ექვსი საუკეთესო წიგნიდან ერთ-ერთი, რომელიც ტრამპის გამარჯვების გაგებაში დაგეხმარებათ".
The Washington Post-მა უწოდა ვანსს "ჟანგის ქამრის ხმა", ხოლო The New Republic-მა გააკრიტიკა იგი, როგორც "ლიბერალური მედიის საყვარელი თეთრი ნაგვის მწერი" და "ცისფერი ამერიკის ცრუ წინასწარმეტყველი". ეკონომისტმა უილიამ ისტერლიმ, დასავლეთ ვირჯინიის მკვიდრმა, გააკრიტიკა წიგნი და წერდა: „ადამიანთა კოლექტივის დაუდევარი ანალიზი - სანაპირო ელიტები, მუსლიმები, იმიგრანტები, ადამიანები კოლეჯის ხარისხის გარეშე და ა.შ - იქცა რუტინად, რომელიც ჩვანს პოლიტიკას კლავს."
ვანსი 2017-ის დასაწყისში CNN-ის კონტრიბუტორი იყო. 2017 წლის აპრილში რონ ჰოვარდმა Hillbilly Elegy-ის კინოვერსიაზე რეჟისორობას ხელი მოაწერა, რომელიც შერჩეულ კინოთეატრებში 2020 წლის 11 ნოემბერს გამოვიდა და განთავსდა Netflix-ზეც სტრიმინგისთვის.
ჩვენი ოჰაიოს განახლება
2016 წლის დეკემბერში ვანსმა განაცხადა, რომ აპირებდა ოჰაიოში გადასვლას და არაკომერციული ორგანიზაციის დაწყებას ან თანამდებობისთვის კენჭისყრას აპირებდა. ოჰაიოში მან დააარსა Our Ohio Renewal, 501(c)(4) არასამთავრობო ადვოკატირების ორგანიზაცია, რომელიც ფოკუსირებული იყო განათლებაზე, დამოკიდებულებაზე და სხვა „სოციალურ დაავადებებზე“, რომელიც მასთავის მემუარში აქვს ნახსენები. არაკომერციული ორგანიზაციის ვებსაიტის 2017 წლის არქივიდან მიღებული ინფორმაციის მიხედვით, მრჩეველთა საბჭოს წევრები იყვნენ კიტ ჰამფრისი, ჯამილ ჯივანი, იუვალ ლევინი და სალი სატელი. ვებსაიტის 2020 წლის ვერსიის თანახმად, ეს ოთხი ორგანიზაციის არსებობის მანძილზე ამ თანამდებობებზე დარჩნენ. ჩვენი ოჰაიოს განახლება ორ წელზე ნაკლებ დროში დაიხურა, მცირე მიღწევებით. ორგანიზაციის სამართლისა და პოლიტიკის დირექტორის, ჯივანის თქმით, ორგანიზაცია რელსებიდან ჯივანის კიბოს დიაგნოზიმა გადააგდო.
ვანსის აშშ-ს სენატისთვის 2022 წლის კამპანიის დროს მისმა ოპონენტმა, ტიმ რაიანმა, დემოკრატიული პარტიის კანდიდატმა, თქვა, რომ საქველმოქმედო ორგანიზაცია იყო ვანსის პოლიტიკური ამბიციების ფრონტი. რაიანმა მიუთითა ცნობებზე, რომ ორგანიზაციის მცდელობები დამოკიდებულების აღმოსაფხვრელად ჩავარდა. ვანსმა უარყო შეფასება. Business Insider- ის 2021 წლის რეპორტმა გამოავლინა, რომ ჩვენი ოჰაიოს განახლებას საგადასახადო დეკლარაციებმა აჩვენა, რომ პირველ წელს უფრო მეტი დაიხარჯა აღმასრულებელი დირექტორის ჯაი ჩაბრიას მიერ მოწოდებულ „მართვის სერვისების“ ანაზღაურებაზე, რომელიც ასევე იყო ვანსის მთავარი პოლიტიკური მრჩეველი, ვიდრე ოპიოდის მოხმარების წინააღმდეგ პროგრამისათვის.
ინვესტირება
2017 წელს ვანსი შეუერთდა საინვესტიციო ფირმა Revolution LLC-ს. ის სტივ ქეისმა დააარსა, რომელიც ასევე AOL-ის თანადამფუძნებელი იყო. ვანსს დაევალა გაეფართოებინა „Rise of the Rest“ ინიციატივა, რომელიც ფოკუსირებულია ინვესტიციების ზრდაზე რეგიონებში სილიკონის ველისა და ნიუ-იორკ სიტის გარეთ. 2019 წელს ვანსმა დააარსა Narya Capital ცინცინატიში ტიელის, ერიკ შმიდტის და მარკ ანდრეესენის ფინანსური მხარდაჭერით. 2020 წელს მან ფირმისთვის $93 მილიონი შეაგროვა. ტიელთან და ტრამპის ყოფილ მრჩეველთან, დარენ ბლანტონთან ერთად, ვანსმა ინვესტიცია მოახდინა Rumble-ში, კანადურ ონლაინ ვიდეო პლატფორმაში, რომელიც პოპულარულია პოლიტიკურ მემარჯვენეებში.
აშშ სენატი
2022 წლის კამპანია
2018 წელს ვანსი განიხილავდა აშშ-ს სენატში კენჭი ეყარა შეროდ ბრაუნის წინააღმდეგ, მაგრამ გადაიფიქრა. 2021 წლის მარტში, პიტერ ტიელმა 10 მილიონი დოლარი გადასცა Protect Ohio Values-ს, super PAC-ს, რომელიც თებერვალში შეიქმნა ვანსის პოტენციური კანდიდატურის მხარდასაჭერად. რობერტ მერსერმაც გადასცა თანხა. აპრილში ვანსმა გამოხატა ინტერესი, სენატისთვის კენჭის საყრელად, ადგილისთვის, რომელიც რობ პორტმენის წასვლისას განთავისუფლდა. მაისში მან საძიებო კომიტეტი შექმნა. ვანსი რესპუბლიკელი ფანდრაიზერის ნეიტ მორისის მოკავშირეა, რომელიც ასევე ფინანსურად უჭერდა მხარს კენტუკის სენატორ რენდ პოლს.
ვანსი ოფიციალურად რბოლაში 2021 წლის ივლისს შევიდა. ეს მისი პირველი კამპანია იყო საჯარო თანამდებობისთვის. 2022 წლის 3 მაისს მან ხმების 32%-ით გაიმარჯვა რესპუბლიკელების პრაიმერში, დაამარცხა მრავალი კანდიდატი, მათ შორის ჯოშ მანდელი (23%) და მეტ დოლანი (22%). 8 ნოემბერს, საყოველთაო არჩევნებზე ვანსმა დაამარცხა დემოკრატიული პარტიის კანდიდატი ტიმ რაიანი ხმების 53%-ით, რაიანმა ხმების 47%-ი აიღო. ხმების ეს წილი ოჰაიოს სხვა რესპუბლიკელებთან შედარებით უმნიშვნელოდ მიიჩნეოდა, განსაკუთრებით გუბერნატორის არჩევნების დროს.
იხ.ვიდეო - WATCH: JD Vance is sworn in as vice president
ვადა
2023 წლის 3 იანვარს, ვანსმა სენატში ფიცი დადო, როგორც შეერთებული შტატების 118-ე კონგრესის წევრმა, პირველი ამერიკელი სენატორი ოჰაიოდან ჯონ გლენის შემდეგ, რომელსაც წინა პოლიტიკური გამოცდილება არ ჰქონია, გლენმა ოფისი 1974 წელს დაიკავა.
2024 წლის ივლისის შუარიცხვების მონაცემების მიხედვით, ვანსს სენატში 45 გამოსვლა ჰქონდა, ხოლო მხარი დაუჭირა 57 საკანონმდებლო კანონპროექტს, რომელთაგან არცერთი გასულა სენატში. მან ასევე მხარი დაუჭირა 288 კანონპროექტს, რომელთაგან ორი მიიღო სენატმა, თუმცა ჯო ბაიდენმა ვეტო დაადო.
ვანსის სენატში მუშაობა მოიცავდა:
- თანადაფინანსებული კანონპროექტი სენატორ რაფაელ უორნოკთან (D- GA ) ინსულინის ფასის შესამცირებლად.
- თანამშრომლობდა სენატორ ელიზაბეტ უორენთან (D- MA ) რომ დიდი ბანკების წარუმატებლობა არ ყოფილიყო კომპენსირებული.
- წარმომადგენელთან მარჯორი ტეილორ გრინთან ერთად (R-GA14) წარადგინა კანონპროექტი, რომელიც დამნაშავედ ცნობდა პირებს, რომლებიც არასრულწლოვნებს სქესის შეცვლის იდეას შთააგონებდა ან ხელს უწყობდა ამ რწმენის გამტკიცებას, სასჯელი ითვალისწინებდა 12 წლის ვადით პატიმრობას.
ვანსმა ეწინააღმდეგებოდა ვალის ზედა ჭერის აწევას და 2023 წლის ფისკალური პასუხისმგებლობის აქტის საბოლოო მიღებას.
ვანსი გააკრიტიკეს აღმოსავლეთ პალესტინაში, ოჰაიოში 2023 წელს მატარებლის რელსებიდან გადავარდნაზე დაგვიანებული პასუხის გამო. მისმა ოფისმა გამოაქვეყნა ოფიციალური განცხადება 2023 წლის 13 თებერვალს, შემთხვევიდან ათი დღის შემდეგ, თუმცა ვანსი ამ შემთხვევას სოციალურ ქსელში მეორე დღესვე გამოეხმაურა.
2023 წლის 26 თებერვალს, ვანსმა The Washington Post-ში დაწერა სტატია, რომელიც მხარს უჭერდა PPP სტილის პროგრამას (Paycheck Protection Program) მათთვის, ვინც დაზარალდა მატარებლის რელსებიდან გადავარდნით, ეს ინიციატივა რესპუბლიკელი სენატორების ნაწილმა გააკრიტიკა. 2023 წლის 1 მარტს ვანსმა, ბრაუნმა და სენატორებმა ჯონ ფეტერმანმა, ბობ კეისიმ, ჯოშ ჰეულიმ და მარკო რუბიომ წარადგინეს ორპარტიული კანონმდებლობა, რათა თავიდან აიცილონ ისეთი შემთხვევებიც, როგორიც აღმოსავლეთ პალესტინაში, ოჰაიოში იყო.
იხ.ვიდეო - How JD Vance went from Trump critic to his vice president-elect
Комментариев нет:
Отправить комментарий